加東叻沙蝦麵

灣仔謝斐道155號地下D1舖

正索喇沙：蝦、鮮蛤、魚片、豆卜、雞蛋

彤：由我推介的餐廳終於有好評出現，總算冇白費我的心機。叻沙的湯底有香濃的椰奶同蝦味！相信是煎香蝦殼，再熬成的，Bravo！不過麵就平平無奇，其他餸都是普通的，最好食的是舛蛤，真係有新鮮的味道，亦同個湯好夾！薏米水一般，池記的比較足料。

恒：同我係Poly Canteen吃過的喇沙差天共地！！從湯底開始攻略這喇沙，只是淺嚐一口，複雜得難以置信！濃郁的椰香，蝦膏，香茅的味道，口感又不會水溜溜，而是濃厚的質感！一流！！假如粉更吸湯就Perfect了！

咖央多士

彤：製作不算認真的多士！雖然咖央醬是幾好食，比街外的冇咁甜，同椰香味比較重，可是分量不夠！厚厚的醬才是王道！加了一大片厚牛油有成功加分！冰凍的牛油，除了加了口感，更加了香味！可惜敗筆的是用了生命麵包！不認真！如果用厚多宜會更佳。

恒：一片咁薄的多士，仲可以分半界開，中間塗上又凍又薄的咖央醬夾上一片牛油，感覺都挺花功夫。的確咖央醬做得冇咁甜，不過可能因為先吃過濃味的喇沙，所以認為醬未夠椰，未夠蛋黃，加上醬薄，結果就冇咩味了。相信店主是為了做出奇薄脆的效果才選用薄包。其實如果醬味突出點，牛油大塊得跟包一樣，絕對不比厚多低分呢