越色生香

灣仔大王東街30號地下　 (幸好已結業)

起粒的白咖哩豬扒飯

彤：不想想起的一餐，Lunch Time行過見人好多，以為是好吃的，點知是Below Average (恒：At the BOTTOM) 的餐廳！白咖哩比沙嗲王的差，好咸，沒有香料的味道，似是Canned的白汁！另外點了蔗蝦，但恒食到的個條變壞了，相信是蔗壞了，才令蝦都有怪味。

恒：真不明多人的原因，又不算平...首先環境、桌椅、碗筷不潔，已令人不安。要求更換態度不願似的...只有拿了兩隻小碗是合理的。飯又淋又冇飯味，咖哩上的芫茜又暗色，又霉。白咖哩充滿忌廉白汁味，太稠又不滑身，煮的時候冇不停的慢攪之過，只有咸味。豬扒有煎過正式，在底的生菜有爛位仲上碟。壞了的蔗蝦仲敢上菜，不得了。

Brunch Club

Egg Benedict with Smoked Salmon

中環卑利街70號地下

彤：令人期待的Egg Benedict，可惜這店的水準相當飄忽！蛋不是常流心的，我地個客就明顯的Over-Cooked！荷蘭醬可更Creamy同濃味！底下的英式鬆餅如果可以更鬆脆就好了！Side-Dish的Salad醋意不夠強，薯餅平平無奇。Mocha不知是否恒的口味，但一定係我愛的，因為朱古力味好濃！

恒：Poached Eggs最能令人興奮的部份是切開流出的一刻，縱然我最後先切開蛋，但餘溫不應令蛋黃咁熟。配Salmon挺搭的English Muffin略為薄，如厚一點，吸收多點蛋汁，效果更佳！Mixed Salad，Black Vineger的酸度太高 (NO GOOD)，Aromas過強，Mocha的朱味好香濃，但啡味普通。

Waffle with Butter and Syrup
恒：牛油如果硬身，何不切好點？
賣相上：糖霜應更多、平均，層疊放置增加高度層次，GOOD!

彤：Waffle是我點的！(恒：注意！是我最不喜歡的食物之一) 配上Butter同Syrup是最原始的吃法。Waffle很有紮實感，但上面的格仔還是有點脆！令人加分的是Waffle入面加入了肉桂粉，所以非常香！但奇怪的是牛油總不溶掉，加上Waffle的格仔，好難塗！(Syrup太少！好甜的我想Encore糖漿！)

恒：平常酒店吃到的Waffle都是外皮脆後放軟，加上中空，成功登上我不喜的食物之一。這個未到不喜，但跟好吃有距離剛烤好，外脆，不過我覺得烤得太長時間，變得過硬，咬下去有難咬、界嘴的擔憂。蛋漿糊中加入肉桂粉這點綴，不但在香味和印象都加分。牛油應已放軟，但質地奇怪，不硬不軟，又痴又不斷，似Gelato不但難塗，而且不好味，不如加埋花生醬，兩塊一起吃當夾餅！！

再度巡視篇。鍾菜

(後)XO醬炒蘿蔔糕
(前)脆皮菠蘿包
[叫菠蘿叉燒包更貼切]

銅鑼灣勿地臣街1號 時代廣場10樓1001號舖

下午茶回歸指數：3.5/10

彤：Swimming後到此High Tea！可能因為比較遲的關係，好多點心都冇晒，同點心們不夠熱。XO醬蘿蔔糕煎得不夠香，如果皮脆點就好了！XO醬再多點，糕都被XO醬的渣包住會更吸引。而脆皮叉燒包用上菠蘿包皮，令人興奮大增，可惜叉燒饀不突出，加上不夠熱，令人失望:(


恒：運動過後有提高食慾，但都不覺得這兩個好吃、吸引人。又說所有都即叫即製，一摸上手，脆皮叉燒包冷冷、死死、冇生氣的，雖說菠蘿面做得不錯，適當的脆，不過硬，餡的叉燒醬平凡，不過冇或肥肉算扯讚。炒蘿蔔糕，夠熱，表面都香口，不過的確太少XO醬的渣子(蝦米、瑤柱)，以致味道不足，只剩下一堆XO辣油團積在碟底！No Good！

芝士蝦春卷　(有3分是比佢的)

彤：蝦春卷炸得不錯，很脆，也不會很油的感覺！入面的芝士是車打嗎？味挺濃的，也夠流心！可是蝦山３真的是不足料的說！相信一條春卷只有一邊有蝦！有侍改進！BTW，春卷是最熱騰騰的一客。

恒：春卷皮真的炸得剛好，又因為即上即吃所以表面金黃滋脆，像是一碰到牙，皮就要炸裂開！！芝士是車打，為了濃味點，否則可能嘗到油味呢！芝士分量都足夠，再多可會影響皮的滋脆度！！可惜的是蝦分量不足，不是想多一隻，而是想轉用大蝦，增加飽滿度=]另外，大可配上他他醬或沙律醬，相信味道更佳。

PizzaExpress

九龍塘達之路80號又一城2樓43號舖

彤：麵包好靚，暖暖的！祇是剛出爐！蒜蓉味好香！先說麵包，很鬆軟同煙韌！氣孔很多，發酵倏得不錯！4隻芝士分吃是Gorgonzola，Emmental，Foutina同Mozzarelle！芝士的味不夠濃，也不能清楚分開4種Cheese！博洛尼亞的Cheese比較好食！但Overall呢個包都幾高分 (注意：高分是屬於個Bread的！)


恒：剛出爐的軟法包總是在香味，口感方面份外令人流口水的。不單只是熱力，包本來都做好，是法軟的風格，外乾內軟。可惜的是蒜香比芝士為突出，跟名未不乎，如蒜味再添多少許，其實是個吸引的蒜香包。由於只是Bread不錯，下次不妨只要麵包球。

彤：一直都想食的Pizza！Pizza的底很好食，是薄脆類的！而且蕃茄醬是近日食到的比較出色的！酸酸的，蕃茄味好香，足料！上面的Parma Ham不算好食，味道未夠濃，而且很難咬開！相信是平價貨色！比恒說中了，芝士不是Mozzarella，而是Ricotta同Parmesan！Ricotta是軟身的，感覺很奶！反而Parmesan的味不突出。

恒：批底不錯，雖不夠Slices薄，不過比佢脆呢方面加分=]打底的茄汁茄蓉達到最低(有味)的標準，如果茄味、酸味再重點會更好，可突出其他餸的味道！Parma Ham味淡而且多筋位令口感、味道方面大扣分！！如果Parma Ham同Parmesan都用Smoked相信效果會不錯，軟身的Ricotta味似Goat Cheese，奶味重，不錯。

加東叻沙蝦麵

灣仔謝斐道155號地下D1舖

正索喇沙：蝦、鮮蛤、魚片、豆卜、雞蛋

彤：由我推介的餐廳終於有好評出現，總算冇白費我的心機。叻沙的湯底有香濃的椰奶同蝦味！相信是煎香蝦殼，再熬成的，Bravo！不過麵就平平無奇，其他餸都是普通的，最好食的是舛蛤，真係有新鮮的味道，亦同個湯好夾！薏米水一般，池記的比較足料。

恒：同我係Poly Canteen吃過的喇沙差天共地！！從湯底開始攻略這喇沙，只是淺嚐一口，複雜得難以置信！濃郁的椰香，蝦膏，香茅的味道，口感又不會水溜溜，而是濃厚的質感！一流！！假如粉更吸湯就Perfect了！

咖央多士

彤：製作不算認真的多士！雖然咖央醬是幾好食，比街外的冇咁甜，同椰香味比較重，可是分量不夠！厚厚的醬才是王道！加了一大片厚牛油有成功加分！冰凍的牛油，除了加了口感，更加了香味！可惜敗筆的是用了生命麵包！不認真！如果用厚多宜會更佳。

恒：一片咁薄的多士，仲可以分半界開，中間塗上又凍又薄的咖央醬夾上一片牛油，感覺都挺花功夫。的確咖央醬做得冇咁甜，不過可能因為先吃過濃味的喇沙，所以認為醬未夠椰，未夠蛋黃，加上醬薄，結果就冇咩味了。相信店主是為了做出奇薄脆的效果才選用薄包。其實如果醬味突出點，牛油大塊得跟包一樣，絕對不比厚多低分呢

TIT*F

銅鑼灣摩頓台25號地下　(已結業)

彤：相信係一年再生麵包，用每天賣剩的方包或麥包切粒，再推成的，並以蛋或糖漿黏合而成！理念很好，相當環保，仲加入椰絲，味道其實不錯，不太甜！可惜口感真係麻麻地！除左個面烘得比較脆和乾身，麵包的內裡係非常濕，直頭好似未焗熟的！有待改良！

岩石包

恒：該是把賣不出的吐司切粒做成再生麵包，令我諗起東和馬的日式麵唔知幾號，成本價為Zero的再生包！！(依家賣八大元)正題，以蛋，麵粉漿把吐司粒黏起，再把整個浸蛋漿，椰絲放面入焗爐，甚或混入椰奶。有足夠椰味的部份味道不錯，烘面比較好吃，不過是脆過再回氣的感覺，偏韌。中央位卻太濕，而且少椰味，但如果中央位焗好，外圍會又硬又燶，學東和馬整炸包算啦。

Slices Pizzeria

Mushroom Sausage Pizza

銅鑼灣禮頓道128號舖


Pizza底目前大Pizza中功力最高

彤：很薄的Pizza！底同邊都做得不錯！可惜上面的餸都係做得不夠中環大Pizza (Paisano) 出色！Tomato Sauce不夠多同香濃！Mushroom是幾好的！但吃不出有辣肉腸！吃不出用上了什麼Cheese，因佢的味不濃！但我仍有點想試三色Cheese Pizza！

恒：Pizza。薄餅。薄脆的是功力的表現 (**厚實是港式Pizza Hut口味..Sad)！呢個連邊都極力做薄，可見Pizza Chef的功架！我心目中的Pizza 是薄脆的底如盤子裝起Powerful，Muscular 的配料。所以如果多D配料，或配料的味濃D會更佳！茄汁味是有得，但太薄，塗多兩屠就差不多，大概廚師是怕Pizza 底會稔。如果我自己食就想要..Peppers，Mushroom，Pineapple，Salami，Goat Cheese，Mozzarella，Black Olive（彤：相信仲有更多...只是不好意思寫下）

新一派味道

將軍澳厚德邨 厚德商場東翼地下 1G號舖

(前) 菠蘿油
(後) 熱奶茶

彤：恒推介的菠蘿油！麵包燒得幾香脆，但略嫌有點不夠熱！菠蘿皮夠香，但如果可以厚一點就好！因為佢地多數都甩晒..而唔係食到！奶茶冇咩印象，相信是不出色的！**差點漏了！牛油夠冰凍！未比麵包的熱熔掉！(彤: 睇下佢幾唔夠熱)

恒: 我認為不錯的菠蘿油，因為最特別的是夾住牛油的一面都事先烘過 (細心加分位)，可避免牛油溶後出現油泡淋麵包 (噁)！脆皮面脆軟適中，不過味道未夠突出！牛油如果可以闊少少，厚度Keep 返就Perfect 了！同意今次的包比上次我自己食的時候不太夠熱，未能把牛油香味引爆。如果在烘面塗上薄薄一屠Lemon Jam未知效果如何？？

華姐清湯牛腩

天后電氣道13號A 地下

彤：先講清湯！牛味是挺香濃的，但係唔知係咪加入左咩香料定係味精，有不太自然的感覺 (彤: 湯方面還是九記技高一籌) 麵是平平無奇的！牛腩似是坑腩部位，相當稔，沒有渣，不痴牙，但亦不失牛味！Bravo！辣醬算是不錯，香而不辣！

清湯牛腩撈。幼麵

恒：望角牛腩功力奇高！入口即化的絕妙口感，濃郁在口不去的牛味，令我極為陶醉！不自覺的不斷夾夾夾..吃吃吃..很怕吃太快會冇得食><" 不過幼麵就只是平凡的水平，不夠爽口，冇鹼水味都算處理得好，可惜係清湯跟牛腩味不乎？？

小記: 食得特別高興是因為..原價$40..收錯了為..$28~~很抵！！

簡陋小麵店的外表；實力超卓的牛腩。回味之選。

Pepper Lunch

Jumbo! 牛肉鈇板燒飯

旺角亞皆老街 8 號朗豪坊 4樓F2號舖

彤: Hit過一陣子的Pepper Lunch 恒竟然冇食過，惟有特意到訪Food Court一次！每次行入朗豪坊的Food Court有一半以上的人都係食緊佢。香味是不錯的! 可是等待時間相當耐！牛是普遍打邊爐的肥牛，牛味不夠重！栗米如果更甜就可把白飯昇華！Overall Pepper味最香！ 個Sauce才是靈魂！

恒: 其實我都知道這店好耐，不過中學後都少到Food Court （開始挑剔！！）因為見到其他人牛份量少所以揀了Jumbo！未見其貌，先嗅其香；的確黑椒香氣攝人！等待其間細閱了飯的推介吃法： 1. 飯，配菜，牛肉伴好...（完 ），加入了少量Garlic Sauce，辣醬。應該只是普通美國肥牛，質素一般，如加入少許薑可能味更佳~

King Ludwig Beerhall

赤柱美利樓2樓202號

農士包配牛肝醬和香草醬

Maisel's Welsse (Lager)

彤：麵包平平無奇，氣孔不夠，也不夠鬆軟！但是暖暖的，很有誠意！第一次食到牛肝醬，好特別！有雞肝的味道，入口後仲有回味和餘韻！味也好濃！好好食！另一隻香草芝士醬！奶味好重的芝士！香草味同芝士好Balance！兩隻醬都打得好細滑，個人鐘意牛肝醬多點！

恒：OH！BRAVO！BRAVO！兩個醬令人回味，誰估到細細個包就已經可以把醬用光。雖然回不夠鬆軟，不過外皮香脆，麥味重，而且暖暖的，把醬的香氣散發出。牛肝醬味重味濃，個種潤的味道係After Taste個度就湧出泥再係口腔、牙齒間逗留！香茸芝士則比較常見～不過都是上品！芝味香濃，香草味輕而引出芝士味！並且口感順滑，我直頭為左Ｄ醬，想再叫其他包！！

彤：好好飲的啤油！完全沒有平日啤酒個陣味！呢隻德國啤酒麥味好香、好重！酒精味沒有蓋過麥香，而且Balance得好好！呢隻啤酒唔似平日的喜力或嘉士伯咁，咁稀！感覺好厚，每一口都好香濃！飲完呢杯更加令我真係好想去Germany！要待啤油節才好去！Bravo！

恒：對我來說，啤酒並不吸引，因不夠凍會不好飲，而且太多氣會很難受=P 這麥啤有突出的香氣，第一次Waiter找住佢行過就已經有Aromas搶住湧入我鼻子！！來到，認真的一嗅，麥香！入口的一陣甘甜，Length都比較長...其實佢已經是Lager的級別，已不能想像正常的會有多重多濃味？？

金牌維也納腸

彤：對腸仔的印象不深刻！只記得自己想佢烤得皮再脆點，略厭不夠香！腸仔肉是好食的，很Smooth (不知如何形容)，Surprise的是叫我留下深刻印象是那個蓄茄薯仔肉碎湯味的焗薯！焗薯主要分為Mashed Potato同粒粒薯仔兩種，多重口感好Balance！每一粒薯仔都有軟綿綿的Mashed Potato包闔，很突出！而且薯仔好入味，不似KFC的焗薯！

恒：腸仔我認為不錯，很全面的味道，豬味很香，很滿足；皮我覺得已是不錯的脆皮，如果烤再耐會過硬皮呢！肉是幼細的，而味道豐富，加上強而有力的外皮，把肉牢牢的鎖住，一咬落去味道就衝出來...如不是在餐廳要有禮儀，我想一大氣咁咬，不切，相信會更好味！Potato用肉湯煮過，有肉湯的味道，又軟身，不錯的配菜。

脆皮德國咸豬手(豬肘子)

彤：期待已久的豬手！豬手的皮真的好脆，皮下又冇肥膏，有的是一層膠質！完全不油膩，相信是高溫有功！而豬手的肉質相當稔，但亦不失豬手本身的味道，咸咸地亦易入口，不會覺得很膩！Overall評分很高，份量不少，兩個人吃，有點吃力。

恒：期待已久，幸得高質素滿足慾望！！香脆的外皮把豬手的溫度好好保持了，不只溫度，而且肉味！肉汁！肉質詢！都好好保存了～脫皮就似一副優良的盔甲...鎖住肉的美味，令肉保持水份，因而嫩滑落！！嫩得好似乳豬一樣，太美了 T^T 而皮下脂肪都因高熱，焗到流走油份，留下口感一流凡膠質 (可是近似花膠了！！) 我覺得Seasoning方面可以多一點令佢更鮮味突出！！皮略略烤久了，有些部份過硬，整體連配薯都極高分...難得！！

日船章魚小丸子

醬燒芥末章魚燒

旺角登打士街 45號地下A舖

恒：日船小丸子。我覺得可能是比較港式，易入口的小丸子。章魚外皮略脆抵讚，可惜可能放久了，吸收了空氣中的水份，令佢回軟，變得痴牙。內餡有點粉/漿的感覺，個人喜歡挺身有咬感的。章魚小得可惡，所以冇章魚味道!! 大慨惟一可取的是表面的燒汁，令丸小本身的價值大大上升；莎律醬帶出Full & Creamy，搭上芥末效果更鮮明。

彤：每過一陣子總有小丸子癮 (恒:完全不明白的!!) 今次的小丸子好似進步了！ 不太粉的小丸子，內裡很軟綿綿，而外皮是脆的!！一口咬下去有Surprise！如內裡太企身就只可吃好少架啦， 食一粒都飽 (彤: 超市買到的！) 可惜章魚太細粒！ 偷工減料！今次冇揀蛋黃醬，芥末味配燒汁更襯小丸子，免卻了用蛋黃醬很膩的感覺，可多吃幾粒！(恒: 食咁多做咩呀！？)

博洛尼亞 Bo-Logne

三重芝士盒子

尖沙咀廣東道17號 海港城海運大廈 3樓1號舖

恒: 先由我說出對這包的愛和讚美，別再說是抄襲你。這是第二次覺得好吃得飄飄然的Danish，三重芝士盒子。丹式的外層做出酥化的表面，面抹上少量的蜜糖成點綴；大氣孔的內層是鬆軟的泉源。點能夠想像到....小小的盒子中間充滿了豐富的三重芝士，可惜目前只估到封住最外是口感掛帥的Mozzarella，還有兩種芝味香濃柔軟的Goat Cheese卻身份未明！！芝味濃郁，柔軟酥化大對比，奶味芝士又想爭艷。滿足！豐富！！想再吃！！！

彤: 雖然我吃不出有邊3種Cheese，但都好食到令我想跳舞! 丹麥式酥皮包真的好鬆軟，酥酥的Feel!加埋盒中又軟又Creamy的Cheese，有交戰的感覺!個隻唔知乜Cheese，不論奶味同Cheese都好重，好想...好想...好想再食！