豪華拉麵之旅。烏華

尖沙咀河內道5號普基商業中心地下3號舖

彤：移經多次想試的拉麵店，店內好多食客都是日本人 (其實彤冇發現的)，可能因為地道吧！恒點了倘小食，烤雞扒！雞皮烤得相當乾且脆，而中間層油脂都在熱力下溶化了，不覺油膩！就連平時挑皮吃的我都吃了兩塊皮！雞扒相當厚肉，配上七味唐辛子粉還不錯，可以在家中試試這食法！普通的餐飲就不紀錄了。

恒：常常在書中所見，雞扒皮脆肉嫩，就是這樣子了！咬落去肉質厚實，完全不鬆散，選料不錯！雞皮有淡淡的甜味，單吃已足夠突出。加上七味粉，令雞扒添上少許辛辣，更有風味！

(左) 白雞湯叉燒拉麵加溏心蛋 配 (右)滑蛋鰻魚丼

彤：好好食的定食！先說咖哩炒飯，少得好乾身呢！而且每粒飯都好入味，被咖哩包圍著！而鰻魚滑蛋飯更驚人，鰻魚汁流到每粒飯都有，滑蛋香很重，也很滑，剛好！而拉麵的雞湯很濃郁，也很Think。麵條相當掛湯，每一口都送好多湯汁入口！麵條亦煮得剛好，夠煙韌！溫泉蛋也煮得剛好，仍好流心！真的好想快點再到訪呀！

(左)白雞湯叉燒拉麵 配 (右)咖哩炒飯

恒：假如你吃怕了豬骨湯底、如果你喜歡厚身濃郁的湯底，烏華就是你的選擇了！不只好食，更是抵食！$68有如此多足料好吃的食物..絕對是香港難找。而且Service 被強調過，會認真問上餐飲的時間，上菜會轉正面向客人，感覺仔細。

白雞湯叉燒拉麵。入口真的被震撼到！是何等厚身的雞骨湯底？！相當足料，厚身得似醬汁！即使煙韌麵條偏直身都極為掛湯。不過如果吃大量會較膩。這時候夾上辛辣味突出的生大蔥就幫到你Refresh！
咖哩炒飯。雖然樣子平平但是美味非常！乾身，飯粒獨立爽口彈牙，咖哩味香！幾飽都吃得下的炒飯！
鰻魚滑蛋丼。鰻魚味鮮，蛋給了我二次震撼..超~~~~~級滑溜，蛋味重，讚！




拉麵的新體驗！雞的威力！我被震懾了！

Ebeneezer's Kebabs & Pizzeria

薄扶林香港大學太古樓1樓方樹泉文娛中心1A13A及1A13B

彤：剛開業的時候吃過還不錯，點知只係短短幾個月亦難逃Canteen難吃的厄運！米不夠香，也太濕啦，炒得不夠香同乾！雞肉亦太乾，冇雞味！而咖哩角直頭難食，皮太厚，油味重，是焗多過炸！而且吃不出是什麼餡，唉，失敗！

恒：是完全想不到彤小姐推介的原因，仲要我先後等車塞車一小時！！Salad當然是Hea野，他他汁味道正常，菜似乎放太久。咖哩炒印度飯最好的是印度米本身，夠挺夠乾。否則，佢如此的濕炒實變糊仔，而且搭上乾柴雞肉！！是完全搞錯倒轉的組合！咖哩炒飯是單純的用咖哩粉的！並不香濃的咖哩！咖哩角是粉和油的結合，連中間的餡料都是粉的口感，角位太厚，硬得有機會整損咀！

家樂小廚粥麵茶餐廳

將軍澳新都城一期地下G25-26號舖　(恒：該不是家樂粉麵的支線吧？)

(前)叉燒炒蛋
(後)艇仔粥

彤：沒想到是不錯的茶餐廳！先說艇仔粥，粥都幾綿，也很足料，但好似比外面的艇仔粥用料布點不一樣，多了點不一樣的材料，但忘了:P用砂煲上感覺好認真呢！叉燒炒蛋的叉燒相當大片，雖然很足料，但不合比例，若可以切一下就更好！蛋香幾足，加上蛋炒得不錯，幾滑，至少不是煎蛋或雞蛋羹！可考慮再到訪食個Simple Lunch！

恒：只是亂撞入的選擇...有意外驚喜=]
而且証實了係茶餐廳叫到餐牌上冇的，是閒事！
叉燒炒蛋雖然似乎大大塊好古怪，但其實功夫不錯。大塊不是因為變了煎蛋，而是叉燒太大(原塊上)！如果叉燒略為切細，多返點蜜味就Very Good啦。
砂鍋艇仔粥因有砂鍋加了分(印象好了)，都有保溫之用！材料足夠，粥身質地也OK，可８味道多來自味精！個人認為蔥花香味不足(不喜的人應相當高興)。

Ginger Bakery

Crunch Cake and Americano

灣仔莊士敦道55號地下　(恒：難怪我地次次話去結果都過門不入啦)

彤：在OpenRice見到如此多好評(恒：都說了別再信OpenRice啦！)，不禁想到訪常路經的小店！自命出名的Crunch Cake其實是英心的天使蛋糕，但做得比美心差(T^T)！海綿蛋糕太濕潤，又實，做不到Light同鬆軟的感覺！而上面的蜜糖脆脆太甜，又痴牙！而Americano相信也是買回來的，沒什麼Special！是永不光顧的店！

恒：似乎又交上了難吃的惡運..！不想提起..完！因為我未吃過美心的天使，所以冇比較，但這Cake似乎放了太久，Cream整到海綿蛋糕濕得過份，而且才身整 / 焗個時氣孔不夠，實！！蜜糖脆脆冇賣點的薑味，食到想拎返去問佢係味真係有人買架？！Americano苦同酸！

Rondavy's Artisan Kitchen

銅鑼灣耀華街3號百樂中心11樓

Lemongrass Mmousse Cake
Hazelnut Latte

彤：是恒一直好想到的Cafe，也是在Openrice一直受到好評的呢！但似乎有點失望呢！Latte的味是調得不錯，Hazelnut同Coffee很Balance，可惜泡泡太粗糙！但Lemongrass Mousse Cake是好吃的，很清新的味道！Mousse很輕，用Lemongrass有更Fresh的感覺！相信這Cafe只有Cake是可取的。

Sandwich入面的Roasted Beef係買Ready-Made的Cold-Cut，雖說麵包加入了Herbs同Dried Tomato，但味道不濃，不太吃得出來！入面仲有點Tomato同生菜，是普通不過的配搭吧！而Amaratto是很少見的Coffee，其實是有杏仁味的Coffee。由於拉花Skills不錯，所以Coffee不會愈飲愈甜，尚不會只留在杯底！Almond味同Coffee配得不錯！可惜是間雷聲大，雨點小的Cafe T^T

Roasted Beef in Sun Dried Tomato herbs Panni
Amaratto

恒：果然，雜誌不能盡信，講到D Mousse Cake如何細心，如何不得了...Mousse Cake有輕輕的Lemongrass味味道確冇可否認的清新，值得一讚！但講到Smooth，Taste就平凡得跌眼鏡！太多Lemon Peel甚至會苦！Roasted Beef Panni的Roasted Beef味道我覺得好呀，有牛味，有少量Pepper，但沒有其實什麼醬汁令三文洽嚴重失危！！仲要...Panni...佢幾乎冇烘過個包如何Panni呢？相當Hea的三文治 :<

店主相信對自己咖啡技術幾有信心，相信拉花已令咖啡足夠均勻，連Spoon同Suger都沒有！Hazelnut Latte的味偏淡。Well-balanced的Coffee & Nuts Amaratto其實我唔係第一次飲，Almond & Coffee的味道配合是當日最好的Item了！不得不提個拉花挑得唔錯，賣相有令我Wow過（可惜味道同Service都是低分的...！）

Fuel

中環港景街1號國際金融中心商場3樓3023號舖

彤：Fuel的Mocha朱古力味不重，咖啡的比例較多，不合我的口味 :P 但佢最吸引的地方是細滑的泡泡，亦相當Think，但又輕得好似雲一樣！同咖啡拌後，立即變得很厚滑，Creamy！Fuel的泡泡so far飲過最不錯的了！

恒：是日決定衝入第3間見到的Coffee Shop所以就去左呢度啦。Mocha， 我明白應該Coffee Ratio佔多，但呢杯似乎真是太輕了。不過單說咖啡，都幾Smooth同Balance的，可能其他Coffee會更佳吧！泡泡是很細密，是對的，但略厚吧？奶味不足。

Pizzeria La Gondola

中環美輪街4號美輪樓地下D舖

彤：係難得由我介紹(恒：而無劣評)的餐廳，是間在街角的小店，店內只有幾張檯，佈局簡單，主打即叫即製Pizza！材料有Ham, Mushroom, Egg, Hot Peppers, Onion, Oregano，另自選了Anchovies。Pizza底好薄，不錯，但Egg令Pizza水份太多，可以炸多會兒！Anchovies的味太濃，搶走大部份材料的味，下次都係不要亂加 :P

恒：又一間薄Pizza，批底的脆氣很不錯，4 Seasons可能是想以清新作賣點，所以材料除Anchovies都淡味，其Mushroom比較突出了。不清楚係咪茄汁底不能太濃？因為佢同大多Pizza店一樣，茄汁底是剛合格，濃一點不是更能突出其他材料嗎？Egg是賣點，但似乎太生了，令蛋味都未散發出來，焗熟多點隻蛋相信味道更佳節因為吃到有少量熟蛋黃是挺好的。