Pantry

銅鑼灣名店坊 百德新街50-56號 唐寧大廈地下D舖

(前左) 咖啡芝士蛋白卷
(前右) 牛角酥
(後左) Kiwi Fruit Smoothie
(後右) Mocha

彤：先說Mocha，沒有拉花的Mocha，很不平均！第一口同最後一口都不同味！難以評分！但Cream都算細滑！而我個Kiwi Smoothie第一口真係幾濃Kiwi味！個底的Honey Jelly冇乜Honey味，質地影響了Kiwi的細滑感覺！唔加仲好！牛角酥的角很酥！還以為不錯！結果酥的身偏包，沒有酥脆，鬆軟的Feel！Roll的蛋糕夠綿同濕潤！用上了提拉米蘇的芝士，所以Cheese咪不太濃！如果用上Cream Cheese不知會點既味呢？不過應該會比而家的Filling更Creamy！

恒: 網上見到這店的Rolls賣相不錯面被吸引，幸好結果個Roll都冇令我失望！事後覺得比事吃Rolls的Roll更好！一入到去覺得同K11 Oven House環境咁似開頭真係有擔心，不過一場來到都堅持一試。其實心裡目標除子Roll還有Pastry類，因見到蘋果酥的樣子很不錯 (網上說/ 推介的蛋白Cream Brulee同牛角酥反面吸引不到我) 

咖啡芝士蛋白卷。海綿蛋糕真係好有海綿的感覺，鬆軟得來口感實淨，該是用上了蛋白蛋黃分開打發的海綿蛋糕造法。蛋糕吸收了少量的Cream，足夠濕潤未至水滴滴，最外圍的光面老虎皮相當美觀，令人興趣大增，中間的Cream細滑，而且有輕輕的Mascarpone Cheese Flavour，配搭得非常好，只是略嫌咖啡味未夠重。

Croissant。一看上去已覺得真的有高度《包》的成份，《酥》的成份太少所以吸引到的不是我。牛角位相當乾脆 （甚至算硬） 烘得太久略有燶味！中央厚身的部份未有燶味，有脆不過唔酥化，反而似普遍麵包的實，加上牛油味不足，所以不合格！

Hot Mocha。個奶打得幾好，出現細密的氣泡；不過人的技術不足，沖得非常不平均。搞伴後比較好，朱古力味重但咖啡味力度不夠。

Kiwi smoothie。一來到被提醒底層有Honey Jelly，不過其實是不覺得有Honey的。Kiwi味不鮮明，只以為是很酸的產品。惟一可取，部機打得的確Smooth。