康記粥店

黃沙豬膶腸粉

大坑京街 11號地下


彤：由於好想食到豬膶腸而堅持到這粥店！見到隔離枱的炸兩皮好薄一心以為冇死，點知我個條很厚很粉！真係好失望！仲有好幾層！真係好想同現場整腸粉的伯伯要求包過！只要一層！不過入面的豬膶真係好合我心意！夠沙，也夠味！依然會努力找好食的豬膶腸！(恒：相信呢段食評可以配合哥斯拉噴火Mode)

恒：其實自上次來過吃早餐我的內心已不停想著..我是絕對不會再到訪的！點知...唉。單是眼見腸粉皮的厚度已說明一切。皮稱不上滑、爽，作為餡的膶味重、爽口算難得。可包捲的功夫奇差，膶的分佈不平均。

香煎蘿蔔糕(前)
魚片艇仔粥(後)

彤：粥品才是佢的招牌！艇仔粥確是不錯，夠綿 =] 但不夠老火！如果滾耐點會更好！入面的魚片好細又好散！如果係厚切，加上魚肉實一點，相信口感更佳！肉碎同魷魚都係好足料！花生我個碗冇(嘻*V*)所以留比恒評論！聲稱是全用蘿蔔造的糕令人有點失望！煎得不夠香！加上糕好削，相信係落的粉太少，蘿蔔太多 (恒: 唔聽書..人地都話係全蘿蔔冇粉咯)以致質地好散，不夠實！如果再多點蝦米同瑤柱，就會加分好多呢 =P

恒：好彩招牌的粥都不錯，補返唔少彩粉同蘿蔔糕失的分數。粥底夠綿且厚，質地相當好，肉碎魷魚碎都算多，為粥加入咬口和味道。可惜的是我期待的魚腩片卻反成負累！牠的血味破壞了平衡，而且粥中找不到魚鮮味。蘿蔔糕香煎程度還好，但糕本身太散，蘿蔔味又不夠，偷工減料之作！！