豪華拉麵之旅。一風堂

中環德己笠街1-13號世紀廣場3樓

恒：山葵拉麵。山葵的味道令我有Refresh 的感覺，既同豬骨湯底夾，又可中和豬骨湯的油膩！呢個價錢相當值得一試。惟獨山葵不是新鮮貸，過份搶鼻子，即使好吃都不能大口大口享受！呢碗拉麵的麵身有奇怪，油炸味太重，質地有公仔麵的感覺。可憎！！


彤：看來一風堂的名氣已過，七八點到都不用排隊。山葵拉麵，聽起來就覺得很特別，山葵同豬骨出奇地夾，令本來濃郁油膩的豬骨湯帶來點清新感。

恒：豬骨湯底。有脂肪同蒜頭溶係湯之中，不算稠身但豬骨味都充足，感覺是走龍也路線。麵身比較好；叉燒油香濃郁，越咬越有味，豬味留係口腔好久；上菜速度非常快，不過Display 其實睇上去有點簡陋！

彤：豬骨湯味道相當濃郁，不是走豚王稠身的路線，所以吃多了都不會太膩。叉燒的豬味很香濃，油脂味很香。但溫泉蛋一般，蛋味不夠濃厚，看似只是用平價蛋。整體而言，配菜部分做得不好，以致感覺整碗麵冇其他拉麵店咁豐富，用料只是普通貨色，所以價格可以走大眾路線。