再度巡視篇。華姐清湯腩

天后電氣道13號A地下

菜肉雲吞

彤：雲吞皮過厚，較似水餃呢！食到摺痕位時更厚，仲遇上了有裂痕的雲吞 (恒：咁厚皮都穿得我都好服佢)！可惡！Filling可更多，是不飽滿的雲吞！加上肉同菜的比例不Balance，菜過多，少了肉香！自家製的比佢好吃！

恒：淨雲吞。叫完我真係有以為自己叫錯了！雲吞應該要把皮做得輕薄如絲，修長如彩帶，帶多點湯入口！而這皮厚得似水餃的 "雲吞"更是餡少，仲少得來冇味，想點呀！惟可讚的是皮雖厚但不粉，大可考慮做水餃呀其實 (苦笑)。

牛腩擔擔麵

彤：一試湯底就知道是馬虎的擔擔麵。湯底過稀，沒有了真正擔擔麵的花生香和辣油香；因此麵條掛不了湯汁！只有麵條比較似是在四川擔擔麵會出現的，但不算特別！牛腩的牛味有點似被湯蓋躲 (恒：什麼是蓋躲呀！？) 還是清湯腩同撈麵比較能突出牛腩！

恒：果然佢係食牛腩麵的地方！牛腩味道實是不錯。口感都同上次都不多，入口即化，可是今次部位問題--偏肥，而且差參不齊有欠美觀。花生醬、蔥香都不足，湯底稀得好似溝左水一樣；麵身有咬口，不錯。