韓松韓國料理

餐前小吃

尖沙咀柯士甸道144號祥景樓地舖B-C及1樓A-B室

恒：又一次到韓松，奇怪的不是吃燒烤。無記錯第一次都係一樣的小別。Like茄子、蓮藕、芽菜，泡菜麻麻。

彤：共八個小碟！我最愛的還是辣泡菜哦！不過好似未夠辣！不喜歡薯仔！如果蓮藕再入味點會更好吃哦！韭菜也是我幾喜歡的！

海鮮泡菜豆腐湯

彤：海鮮料好似不太足！豆腐同辣湯好配合，亦不失豆香！喝第一口感覺不辣，但差不多到尾時有捱不住的說！的確辣味很香濃，但海鮮味好似嘗不到！定係我味覺有問題？

恒：湯整體的味道豐富，香味十足，辣味不過份。正因為咁，湯的味道更突出。鮮味辣味同豆腐很夾，讚！







彤：真的好好奇...如果我說不要辣，咁佢係咪什麼醬汁都唔落？咁我的飯咪好乾囉？飯的辣好似不夠惹味！我知道啦～我平日吃的石頭飯的配料多點！所以我覺得好吃點！下次再挑戰韓國菜！

恒：我認為佢個問題冇問題...講完！飯..冇味！太多水！只是飯焦可取，同行的人竟不懂欣賞，加辣可更惹味=]相信加隻半生蛋會更好味！

外送系列。亞玉豆腐花

黃豆豆腐花

元朗阜財街2號宏豐大廈地下12號舖

彤：很滑溜的豆花！可惜豆味未夠香！加上有很多豆水(胡亂作的名字)！但絕對係價錢相宜的店舖！黑豆和黃豆的味道好似分別不大！不過不失！


恒：認同它的滑度，但欠缺弄豆味，No Good！而且真的水太多，如不先倒掉，加黃糖會淡掉。哈黑黃豆腐花味道沒有不同呢！

客家糍粑

彤：算是驚人的糍粑！本以為可以好似平時食糯米糍，咬開一邊，也不會漏！但這個皮真的太薄了！黑芝麻加花生的餡，比平日的更香，餡料滿滿的，快要瀉出來似的！重複：皮真是薄得太驚人了。

恒：說Surprise這糯米糍有驚喜，皮薄餡多，如果芝麻再多少少更完美！突然想起其實這是第二次吃這糍，難怪這驚喜感覺咁似曾相識。很想耐唔耐再比佢Surprise到！！

Ovenhouse Deluxe

尖沙咀河內道18號K11購物藝術館地下G36舖　(恒：叫做有得坐個間)
(幸已結業！）

彤：拜訪Ovenhouse！上幾次行過都看不上任何甜品！鼓起勇氣試Opera！層次好多，但不令我回味！下次都係行多兩步...食Paul！

恒：其實對比起佢仲貴過Paul，叫一Cake一Coffee已$60！搞到好似我好小家特地計住的！1st見係CWB皇室堡，水平更低！把一大堆麵包包住焗死了！Opera！難度很高的Cake，每一層要Even要薄，Ovenhouse做得到，但不回味不驚人，如果再試食，我只會試其他特別的。

下廚篇。Herb Crusted Rack of Lamb。Creme Brulee

彤：Lamb Rack的油脂好香，煎完同焗完後有點油包住肉，每口吃起來都好香，不錯！但下次我堅決要求用Fresh Herbs！相信Colour會更靚！同埋多點點水份，把Bread Crust黏起哦！

恒：Lamb幾淋，脂香，可惜並不是一Rack！！否則肉汁可更保留。如果可以，當然是Fresh比Dry好啦！Bread Crust如何黏起來都是其中一個難題。另外，爐不夠大，搞到Crust焗得不平均，Colour & Flavour & 口感都不一，失敗！

Herb Crusted Rack of Lamb

彤：Chef Hang擅自改Ramsay的食譜，結果大敗！用上Internet上的Recipe，但蛋不夠挺，有點失望！唯獨用了貴貴的Double Cream可取！真的好Creamy！上面的焦糖可做得更好！

恒：Ramsay's Recipe(s) really diff！整左咁多次我未有完美的野整出！！相信是Double Cream上有太多油，搞到凝不到。再焗耐D蛋就太老了！不過Double cream的確相當Creamy又香！下次先把表面的油倒掉可能可以改善。焦糖係第二、三、四次用火槍時已更好。

Creme Brulee

火山石石鍋手打烏冬專門店

麻胡吉列豬扒烏冬

旺角通菜街2A-2P號鴻光大廈地下C舖

彤：先說豬扒，炸得不油的，但表面的花生、芝麻未夠香，扣分！相後方濛濛的是恒讚好的渺烏冬！烏冬是煙韌的，湯底挺濃郁，試到有好多不同味道，是相當認真的製作。

恒：炸豬扒有細心的一面，用網扛起來以免油泡，可惜火侯把握方面差了點，欠缺香脆...我認為烏冬口感很好，有咬口！但無奈...真的太熱，當可以大口大口的時候已淋了=3=湯底認真，濃郁，有菰、雞、豬骨味！Enjoy...如果配牛會更好(漏了：有蛋味~)

辛辣牛肉烏冬

彤：呢個係我點的！辛辣的湯有點刺激，又不會太辣，不錯！溏心蛋有點冷，如果係窩蛋更佳！牛肉是整個湯烏冬最好吃的部份！牛味好濃，同湯好夾！如果湯可以再辣點會更好！(但有機會對我而言太辣食唔到)

恒：完全不明更估不到你會揀這個。湯底不是太辣，所以我覺得要加辣帶出味道。呢個湯底比我的快涼，怪！如果可加添菜味會更吸引！牛只是美國牛(相信是)味重但質地差...


綜合 => 回歸Pt. 9/10

Paisano's

Paisano's Slice  (恒：又係冇椒的Pizza)

中環荷李活道23號

彤：同恒去食大大Pizza！真係相當巨型！黑柑欖味好濃，不錯！Pizza底也算薄，可惜不脆！Pizza邊更加係似Bread！芝士味可更濃，Pizza偏咸，食完好口渴！

恒：開頭以為會好厚，有擔心的時候，不過一入口就打球了憂慮，除了迎批邊的過厚之外，中間都算薄，Gd！黑欖味相當突出，甚至超過腸，我Like。如果多點Onion，Cheese會最好了！

Monster Sushi

尖沙咀彌敦道63號iSQUARE 國際廣場3樓302號舖

吃了海膽甜蝦軍艦、喜靈魚壽司、藍鰭吞拿魚赤身壽司、松葉蟹玉子、哥斯拉卷、黃金卷

彤：一直都都想試一下呢間Sushi店，但聽聞不好吃，所以一直都冇勇氣試哦！今次終於有機會證實下...結果是：不好吃！大部份的壽司飯都過份大件，醋的分量亦不足，因此食落好滯！魚生，好似Tuna咁亦不新鮮，唯獨喜靈魚可以接受！軍艦和玉子都令我相當失望，因為我最鐘意的材料都只佔小部份，大多都是蟹柳！呃錢！

恒：第一間係開係朗豪坊的，一開好多人排隊，好多雜誌訪問，不過我一直都無抱有很高期望。佢聲稱賣點係有好多創作壽司，大膽Fusion？大膽是大膽，但味道不夾不和，材料並不Fresh！最愛的希靈魚都只是合格的地步，藍鰭吞拿有根，味不濃...哥斯拉卷原來係米通飯焦面，嚇親。Overall，合格，不會再到。

翠苑甜品專家

(前)合桃糊燉奶
(後)海帶綠豆沙

銅鑼灣波斯富街83號C舖

恒：我的是綠豆沙，太省了！不夠豆，都煮得不夠耐。綠豆沙的重點不是沙嗎？燉奶奶味幾重，抵讚！但合桃糊不夠香，味度不突出，襯唔到燉奶，芝麻糊應該會好點？BTW，我個人鐘意臭草配綠豆沙多點！

彤：看燉奶的表面，感覺很不滑，但內裡還不錯！可是合桃糊跟燉奶的味很分開，佐分別都不錯的！綠豆沙沒豆，又不沙！很稀的感覺！PS我都比較鐘意臭草綠豆沙呀！

上海麵家

栥飯

銅鑼灣渣甸街33號地下

恒：第一次食個時覺得很難得有驚人的栥飯，但可惡的是製作愈來愈不認真，Dislike。竟一早包定，入面的油炸鬼早已死！

彤：呢個係我由細食到大的栥飯！早已有點吃厭了！但見到恒身一次吃佢時很愛的樣子，令我對佢又重拾了興趣！可惜呢幾年一直眼看呢間店水準下降，製作不認真，Service態度也不好！看來下次激嬲了恒，買栥飯呢招已經無效了！

韭菜豬肉窩貼

恒：底煎得不夠香，韭菜無味，豬肉口感有點散同梅。不可能再叫，情願吃百佳雪櫃買到的，大部份酒樓亦比這個好吧？

彤：不好吃到不想評價！看來是翻叮的！窩貼要即叫即煎才夠美味！入面沒有肉汁！原來平日在金滿庭吃到的是如此好吃！

The Mix

(左)桑莓激流
(右)青泉排毒(難聽的名字？)

中環皇后大道中3號渣打銀行大廈地下13號舖

彤：假日要找個少人的地方是很難的！但Mix做到了！恒點了我平日會揀的桑莓激流，是Smoothie！料很足，因為仲食到入面有Seed！但因為太冰，所以相當硬！我就揀左新推介，苦瓜味很重，相比下，梨味比較失色，西芹味也很突出！

恒：我就覺得係佢未打夠啦不是太冰，平凡得忘了味道。青泉不錯，很配合的味道，如果可以凍點我會更喜歡？！

Marks & Spencer Fresh Bakery

Mini Bonbel Cheese

灣仔告士打道88號其昌大廈地下B舖

彤：行過Marks & Spencer，貪得意買左Mini Cheese來食！呢種Cheese都係欠奉芝味！又不夠軟身，唔岩我口味呢！我都係鐘意我買的$11貴芝士多點！

恒：又奶又膠的Cheese，不想記起！$11的Parmesan有煙燻有濃Cheese味，只係略略有Ｄ粉，是目前吃過最好的Cheese

快樂餅店

灣仔皇后大道東106號地下

彤：Happy地等蛋撻出爐！未見過餅店不斷有麵包出爐，很壯觀！影左好多張相，終於等到蛋撻，剛出爐既佢地好美！蛋漿好滑，但蛋味不足，又有點甜！酥皮是不油的，還算鬆脆！是HK僅餘不錯的蛋撻！





恒：再戰快樂餅店，不錯！酥皮夠酥夠鬆化，不過今次個蛋有點過甜，有點突兀，酥皮底正中間淋了糊了，是因為一出爐就入袋吧？

合興潮州粉面專家

坑腩撈麵

灣仔皇后大道東163號

彤：Finally有幸去一試呢間看似平平無奇，唔知憑什麼上電視的麵店！恒繼續食撈麵，今次點了傳說中的坑腩！我想應該係因為坑腩本身肉質靚，無論點整都不會不好吃！腩是不錯，可惜肉味不夠濃，加上麵和湯不好吃！馬虎！

恒：食物上前得知有名畫家欣賞到送畫？相信一係不是名畫家，一係佢冇味覺。坑腩難得有當然點，質地口感都不錯，不過冇味；湯，冇味；麵，冇味猜彈性，有鹼水味。

墨魚丸米線

彤：我喜歡的墨魚丸。先說不好的，米線很糊口，湯跟開水冇分吃，不及格！幸好墨魚丸的味好濃，丸中的粒粒是用墨魚的裙邊，比較爽口，是唯一不錯的。

恒：點解你開頭可以覺得D米線彈牙？墨魚丸味比平時食開的濃，但完全不覺有爽口，丸算不錯啦。總的來說：不會再來！

羅坤發粉麵食店

胡椒豬肚雞腳豬骨湯麵（上海粗麵）

旺角花園街149號地下（恒：幸已結業！）

彤：某人睇完蘋果動帶我來這快結業的麵店！人都幾多，坐滿了人，要等陣位呢！點了胡椒豬肚雞腳豬骨湯麵，胡椒味主很濃，香而不辣！其實我一向都好喜歡胡椒豬雜湯！呢個是其中不錯的一個！但湯料不足，只有幾片豬肚，仲要絲狀！而排骨想找點肉吃一下都冇，真的只有骨！送之中最好吃的是雞腳！這次是揀了上海粗麵，相當煙韌，不俗！

秘製豬扒

恒：胡椒味不錯夠香，但無奈根基打得不好，豬骨雞腳等材料做的湯應可更濃，不論味道、質地略見馬虎，要先把骨煲更耐吧？上海海粗麵係很好的口感，煙韌，加分！

彤：以秘製為名，應係因為醬汁有不同，可惜食落味道平凡呢！失望！而且豬扒應該係冰鮮的，肉質很實，很硬，但卻一點肉汁都沒有！

恒：本打算一次過試晒拿手菜而一次過失望的經驗＋１...豬扒，香脆，因為即製，便即使近骨位都沒有肉味，如要好吃大可能只能只是配醬汁了，可惜沒見影蹤。

蝦子撈麵

彤：恒期待已久的蝦子撈麵，蝦子味挺香，麵的蛋香也不錯！可惜就連我都覺得麵不夠硬身，甚至有點稔！可能真係好似恒咁講，人太多，每個麵浸冰水的時間不足！沒想像中好食！

恒：蝦子撈，蝦子香，彈牙；麵彈牙爽口，有少量而充足的水份；適當的調味，就是吸引的蝦子撈。而呢度的蝦子撈不吸引，最好味的部份是蠔油。

Paul Lafayet

Lemon Tart(左)
Macaroons: Mocha(前) / Ginger(後)

尖沙咀河內道18號K11購物藝術館G23舖

彤：又去Visit Paul！相當有保証的甜品 :) 由此Sushi食滯左，所以揀左清新既Lemon Tart！曲奇餅底夠硬...同Corridor的有得揮！Lemon Filling可再酸點！上面的Cream搶走Lemon的味道，還是比較鐘意Lemon皮！第一次食Macaroons，其實我比較鐘意Mocha的味，但皮太硬，Ginger的較脆。

恒：Paul係最近的對比下份外出色，排名分數高了，優點放大了！Lemon Tart是配蛋白的，比較Creamy，都甜左D。如果蛋白細點或少點會冇咁Full!同意Filling應突出Lemon Flavour或同Corridor走清新Balance的路線更好。Macaroon：Ginger比較Fresh，雖然甜左少少，不過層次感較多。

陳根記

沙田禾輋邨街市大牌檔3-5號

有點功猓，下次可試晚市（彤：後來到訪過晚市，可能人太多，失準了，失望）

椒鹽鮮魷

彤：記得小時候的大排檔都好好食，所以強烈要求同恒到大排檔吃一餐 :) 很可惜想試的菜式下午都沒有！椒鹽鮮魷是即叫即製，上檯時還是熱呼呼的！脆漿不錯！但椒鹽味不夠濃！失準！

恒：其實我是不太喜歡大排檔的，因為大多數都有煙味，不過無可否認有Ｄ菜例，如椒鹽九肚魚之類係大排檔好D既。即整仲要係特別整的，所以一定夠熱夠新鮮。椒鹽味蒜片味未夠哦，面對當中混有幾條不爽脆的魷魚，可以更好呀！

芙蓉蛋

彤：好耐前已想一試芙蓉蛋是什麼東西！單聽名字真的有種優雅的感覺！但這次的賣相令我相當失望！入面有我最怕的洋蔥，另有紅腸同九皇！後兩者的味道還好，惟獨蛋未夠滑！但必須一提的是Service非常好（只限沒有人時的午市，晚市多人時十叫九不應），熱情的招待，仲用熱水幫我地洗碗筷，加分！

恒：芙蓉蛋應只是一種煮法的統稱吧？內餡會隨意改的啦。蛋味不夠濃，如果用日、意、美、德蛋都會更好。同意可更滑，如果洋蔥再淋點會好D..

Swiss Chocolate with Remy Martin Cognac Truffle Filling

令人有醉酒的朱古力

恒：真係Jestco/CitySuper都找不到

彤：行過沙田一田百貨的Supermarket，難得地遇到恒想試的朱古力！一咬先知是Truffle Filling,我仲以為係小時候食開的Liquid Filling！雖然有好香的酒味，但食落又覺酒味未夠濃！如果是Liquid Filling就更吸引！

恒：很有趣的合作酒心出品朱古力！Remy Martin VSOP是Fine Champagne Cognac，酒味香，少花香、乾果（被朱古力味影響，試不出到更多味道）如果朱古力是Dark的話相信我會更鐘意，還有其他酒嗎？BTW，Truffle Filling才好吧？！

Cafe Corridor

銅鑼灣羅素街26A地下

雖然略貴，但回歸指數：滿分！（請留意回歸篇）

Lemon Tart

彤：恒帶我來走廊食Brunch，這次都係由恒點菜 :)（信心保証）Lemon Tart是來打頭陣，畫成一朵花，還不錯！餅底是曲奇餅，夠硬夠舶，很好！Lemon Filling也不過甜，相信恒會很Like！是Simple卻又新的Dessert。

恒：近日都想去Cafe，近日食運又不好，所以出發前搵了很久，但都不敢期望太高。Corridor挺出名的，都實至名歸。Lemon tart兩字形容：精彩，餡料Smooth，酸甜Balance做得很好，Tart底牛油味幾香，只是略硬了一點，表面的Lemon Peel的味道很好，是點綴！

P.S.完全冇諗過佢會畫埋碟！很認真，加分！

All Day Breakfast

彤：我很愛吃早餐哦！呢個擺得靚靚的早餐也很吸引我！炒蛋很滑，蛋味很重，好吃！多士也很脆，加上蛋一起吃，有一種很配的感覺！Side的Salad也很好！用黑醋作Dressing！但美中不足的是腸仔不夠熱，未煎到爆開！薯餅也可夠我在家煎得香口！而且這個薯餅加Salt & Pepper，會比Ketchup好！

恒：是為了這All day Breakfast才來的，重複！無諗過有咁認真的Display，同時知道Display的重要！即使是普通的食物，靚Display令滿足度上升。正題：蛋滑，香，有蛋同牛油味；多士香脆夠熱，加上滑蛋更好吃（平時的吃法）其他很平常，著氳不多薯味，香口就夠了，但內裡的薯質太鬆散了，不過不是廚師的錯吧。

(前) Mocha
(後) Hazelnut Latte

彤：拉花拉得不錯，心心的形狀好靚！層泡泡都好Think好Creamy！但恒杯Mocha好飲點，Coffee味比較香！而我個杯Hazelnut Latte的Coffee味較輕，奶味好重！但Hazelnut味不濃，未能妣美Mocha。

恒：Coffee很少覺得很滿意，不是過甜，就是Coffee煮酸了。這是少數的高分，單是看它的奶打到咁咁Thick就見功力啦！拉花很好看！Mocha的朱古力味夠出，又不會太搶，只是略甜；Latte奶味足，Coffee味同果仁味再出返D會更好。Mocha好飲D..不過可能只係我個人喜好問題。

香滑咖喱屋

中環嘉咸街7號地下


恒：忘了日期，不重要因不想記得何時的可惡咖哩！（一）環境太污糟（二）咖哩太無特色，牛腩味道太表面，如果配烤餅吃又太淡！蝦炒飯只是亂加咖哩粉而不是用咖哩收到乾身，乃馬虎之作！甜品涼粉最好食...=_=

彤：記得有個早同上恒行經附近，聞到好香好咖哩味！加上剛同恒一齊時見到佢開張的廣告，到現在都有好一段時間，能係如此艱難的世道捱得住應該不錯先係架嘛！點知佢極度難食！叫左成個Set！點了咖哩牛腩...並不入味！咖哩味又不香，沒有可取的地方！有碟油菜，算是新鮮的，唯油太多，食完之後成口都係油！Set中仲有咖哩味炒飯！飯不夠乾身！當中的咖哩味得個辣字，一點都不香，蝦相當細隻，沒有鮮味！烤餅絕對係最不好吃的，一點都不熱，又不酥，不似其他有好多層的，相信是隔夜的！甜品有啫喱同涼粉...啫喱係開粉的=V="是不能重來的店！