坤記糕品專家

深水埗福華街115-117號北河商場地下10號舖 (北河街交界)

彤：抱有期望的一次Visit！可惜糕點太水，令人失望 ！雖然芝麻糕同馬蹄糕味道挺濃，但質感差確實冇得救！砵仔糕的紅豆不算多，仲不夠鬆化，未得到我的芳心！

恒：OKOK完全失敗的糕點，太多水+糊口=難食！！馬蹄糕並不涌新，芝麻糕同糊分別不大，有味，但無層次！明明卞７得上次幫襯係差，但未差到咁吧？

再度巡視篇。快樂餅店

灣仔皇后大道東106號地下

彤：跳出平日只食蛋撻的框框！可惜有點失望！椰撻的酥皮沒有蛋撻的做得好！椰香味不足！餡料也不夠甜！請加糖！菠蘿包上面的酥皮亦不夠甜，但算脆，可惜牛油香不足！麵包亦做得不出色！偏多水份同稔，是不太快樂的Experience。

恒：一見到椰撻就諗「我絕不會買」，但偏偏這女人的洞察力認真低下，唉，請進步！！評語都在圖上，令人覺得材料用量不足，將貨就價的感覺。

車仔麵之家

灣仔晏頓街1號A　(立食)

彤：點了很多餸的車仔麵！有魷魚，牛腩，豬紅，酸齋，豬腸！牛腩麻麻，味不濃，口感也不及九記好！魷魚相當爽脆，酸齋是招牌，做得不錯，汁滿開胃的！豬腸的味不夠濃，而且得幾條，份量少，未能滿足我鐘意吃內藏的心理！但我幾欣賞佢的辣醬，因為有兒時的味道！

恒：真不明點解會特別想或鐘意吃車仔麵，明明就很麻麻，當中又高下難有突出分別... 相信這是香港人為滿足HK人貪心又有選擇困難的發明！！

老實說價錢是正常價偏小高啦，湯同麵就認真一般貨色...勝在招牌/推介餸菜真的有點功架，如果下次再到訪，大可能我只會叫餸吃。魷魚的爽令我震驚，但味道只在表面，有改善空間。牛腩味淡，口感平凡；豬紅味淡，質感唔錯；豬腸欠油香，只咬一口已想放下。重點酸齋是好吃的，酸是嗅覺和味覺最先探到的，來自黑醋吧？甜隨即湧上來，層次分別，一流，開胃。

Starbucks Coffee

Green Tea Cream  / Mocha Frappuccino

尖沙咀廣東道17號海港城海運大廈3樓LCX

彤：終於可以同恒用左Buy One Get One的Coupon！Frappuccino(恒：by Wikipedia－Coffee blended with ince and various ingredients)相信係沙冰類！Green Tea(恒：我絕不會主動叫的物體)的味不濃，但豆奶味很香，是不喜歡Coffee者的好選擇！而恒的Mocha就真係好好味，夠晒香濃，Bravo！

恒：Green個杰真係豆奶來的，加了Cream都不Creamy，又甜，完全不喜。Mocha不錯，如果咖啡味突出返點就真係Bravo啦！

Ovenhouse Deluxe

尖沙咀河內道18號K11購物藝術館地下G36舖

彤：有點期待的流心包！可惜店員態度惡劣已令我有點失望！包一點也不流心，根本就只是朱古力醬包！朱古力味好香，也好甜！但麵包做得好差！不值得試！

恒：呢個包同個個Cashier令我有信心講句：「我以後非必要絕不幫襯Ovenhouse」。朱古力不流心，不滑，太甜。麵包氣孔不夠，做得太實，同街邊平價貨無異。

美國星期五餐廳

尖沙咀彌敦道26號東企業廣場4-5樓

彤：星期二到Friday食Lunch！Baby Ribs的肉質夠稔，但也算嫩！Sauce是一般的！敗筆是內裡的肉冇肉味，也沒有Sauce的味！薯條是麥記貨色！仲不夠麥記出爐的脆！認真麻麻！

BBQ RIBS (失敗x1)
薯條 (失敗x2)

恒：Ribs夠淋呀但無味，個面有D位燒燶左，Smoke同燶係完全不同的，失敗！麥記薯條..唉，失敗..呢間野如果呢個係招牌菜,不如執左佢？而且份量少！

彤：不Smooth的忌廉湯！仲好多粒粒同好咸！飲完應該有腎病！蘑菇片又不夠多！絕對係罐頭湯貨色！好彩只點了一個！

Soup of the Day

恒：味道口感味精三個界別都話我知....只係開罐頭的Soup of Today，好心就自己稍稍加工都好吧？最少加Herbs再Blend下已可不同了。失敗中的失敗！

香河越南餐廳

炸蝦餅

銅鑼灣波斯富街89號　(恒：可以別再到訪嗎？)


彤：好明顯不是炸的！外皮不夠香脆，仲有點油添！但蝦肉真的幾厚，是唯一的好處！仲點了生牛肉湯河！牛肉一點也不生！仲有好好利用平日越南河加的herbs！所以湯不夠香，好似普通河粉！

恒：多油！不過肉質鰱牙，厚切昤王道。配合泰式辣醬更吸引，不過我就咁吃真不會知佢是蝦肉。生牛肉（肥）湯河，牛不濃味，又咬不斷。上菜時已很熟。

無骨鳳爪

彤：酸味相當足，但辣味不突出！以致吃了一兩支鳳爪就被酸味嚇怕(但我平日是好鐘意酸的)！無骨鳳爪，但卻有好多咬不斷的筋和軟骨！三色冰就只係飲到香濃的椰汁！同沙沙的，相信是綠豆，另外兩色真的不清楚。

恒：非常平凡的無骨鳳爪，而且不似兒時的全只都能收入口，有硬筋，酸味令菜變得好吃開胃，成了主角。三色冰太細杯了，椰汁味重，(去衣)綠豆都好吃，綠色粉條是印屁「珍多」，還有越南啫喱？！其實都是椰汁好飲吧=P